GARAKU@星野渡假村

翻兜！

上年年尾12月去北海道+東京🇯🇵
本身爛尾，唔想再寫，但係現在病到五顏六色，無所事事又想寫下野

上回講到星野渡假村
晚上想去食湯咖哩，北海道最出名！
點知好早到，都要等左1個鐘多！
一個超凍既晚上等到人都癲，有時迫入面企，但個位置得4-5人可以企又多人出入..辛苦...

終於有得食！
咩價位唔記得...但真係好好食呀，又熱辣辣，辣度有得揀！講真係去北海道食湯咖哩無得輸

漁吉@元朗

靜左一輪，因為病！
病死人咩，又咳，咳到甩肺！
不過病好返少少又食

漁吉@元朗
本身都知依間野新開，點知又啱啱收到佢既宣傳單張！甘吸引於是要去試！

一開門6:00，衝入去食！唔算大間但又唔迫，坐得都舒服

一黎到就話任飲面豉湯，甘特別...隻佬不停話好香，不停飲...甘又係既唔咸但又濃郁，好難做到！不過係無材料既！

因為新開張，原來無宣傳單都有送三文魚刺身、波子汽水、免加一
講真三文魚有筋..麻麻地！

豪華海鮮丼$128
漁吉特選丼$188

兩個都好豐富，正常新鮮但又唔係好特別，飯是涼。我喜歡不會太凍又硬既飯！
碗飯好大碗，我甘大食都食剩少少

美味滿足！不過貴野都係間唔中食一次就好！
熟食都好似好吸引，希望有機會試

漁吉海鮮丼專門店
元朗教育路73號地下

養心殿台式養生鍋@旺角

好耐無出post,因為愛？因為責任？唔係呀....因為懶呀

同老死去左旺角一間麻辣火鍋試下，生日飯食豪d啦大佬呀！

養心殿台式養生鍋@旺角

一早訂位，都好多人，入去時黑黑暗暗
入到去好似好台式feel，空間比較窄，座位闊但頂住，橋唔到腳...

當然要鴛鴦鍋，養生鍋同麻辣火鍋，要中辣！$188，值得！
到依家我都仲好掛住依兩個湯底！
白色即養生鍋，有人蔘，個湯底好有味道，有dd咸味，但唔會口渴..不停飲湯！麻辣湯都幾辣，中辣，不過好刺激

叫左雪花牛，手工丸拼盤，什菜拼盤，九菜餃，河粉！
牛就正正常常唔鞋口但又唔算太好！
手工丸，好正，黑松露又有，芝心牛丸又有，真不錯！二人剛好！每款每人一粒！
什菜就正常啦！九菜餃好好好食..必點！
特別推介，河粉，其實叫寬粉條！放落去索一索..正到爆！
兩條女食唔哂，打包！

服務超好，俾兩個兜一個膠袋！抵讚！
Like個facebook有飲品，基本上係送既，佢都唔睇我地有無like到！
有酸梅湯揀，正
埋單唔平但係好滿足又好味，仲想點！？

肥仔海南雞飯@元朗

其實食好西專講好好味既店鋪！
點解唔玩下野，講下d唔好食既，等人考慮下先好去試呢

今次介紹間唔好食既海南雞飯！
肥仔海南雞飯@元朗

講真我要求唔算高，諗住人一世物一世，見到有野食，咪試一試無妨！
是日晚上就去左依間試一試海南雞飯！
無影到餐牌，但得好少野，主要當然食海南雞啦！
$30+$5雞腎

一來到係碗裝，有少少怪，平時係碟頭架ma，所以飯感覺少左d!再睇真d唔係油飯..但係感覺係有少少油，但泰式飯係黃色d同有油香，依個無咩
腎一堆，都幾淋，不過無味道！

有少少似豉油汁，但無咩相干甘，主要食個醬！薑蓉同酸辣醬，甘都唔惹味

講返雞，海南雞？？一d都唔似，無雞味，得3-4舊仔雖然係平價，但失真
我係做雞.....呀唔係，唔好誤會，係批發冰鮮雞鴨，都幾鍾意食雞！
依度既雞.....唔識形容

最後配埋冬瓜湯！
無加一！

只能講要平有平，要質素既，就你地自己諗喇

春和樓@元朗

元朗係我地頭

春和樓@元朗
元朗好鬼多野食，今日就等小妹介紹一下好味既一間，hehe....

包場，6:00pm ，太早啦，仲好，靜靜地！食到尾先有d人，平時都爆爆地！
食個二人套餐$238

望落去都飽飽地

雲吞雞
一小鍋，一大隻脾，數粒雲吞，幾條白菜仔，足料..味道唔咸，雞嫩

雞絲粉皮 
無咩特別

回鍋肉
好夠味，少少油就梗架啦，唔會得菜無肉，好正送飯

賽螃蟹
一落枱已經快手撈左蛋黃，唔記得影相..爬多幾碗白飯

白飯
最令人失望，好硬呀，食開軟飯架ma...

成個餐食哂都咪話唔飽，如果全部揀肉，一定飽到反艇

滿足

百利來@元朗

容許我改一改個模式，講野唔好甘拘謹！
做返我自己，講野比較粗，甘樣我寫食評可能會入肉d，update都快d
地址都懶寫，自己上openrice搵下啦！不過你問我會答

百利來@元朗

今日同金蘭黎到熱q死辣辣既大排檔，老實講我食過一次，not good!但個時響雞地個頭，今次俾多次機會佢！金蘭又話要試

大熱天時，黎到大排檔梗係搵個靚位，對住風扇啦！頂，都熱到飛起，依家都未到夏天，到左夏天點算

好好招呼，坐低睇下食咩，環境係好過之前雞地，豆腐潤甘細既檔，依家算大左，闊落左！

兩條女食得幾多！？叫左兩碗翅，炸燒賣，炸墨魚丸，蒜蓉雞亦，洛神花茶，石榴梨茶！

兩個字，唔掂！可以話吹得甘勁，普通左d囉！炸燒賣，空心既，諗唔明，魚肉where a u?好少但唔可以話無！炸墨丸，又粉又實，咩料，出面大把好味過佢又無味，靠加辣椒油菜脯！反而辣椒油菜脯最好食

碗仔翅，無味，係足料，但靠胡椒粉同醋先有味！感受唔到有幾特別呀，大佬！

蒜蓉雞亦，底下有青瓜絲，讚！雞亦就無特別！食完口無臭，證明蒜蓉唔夠味

最後，讚都係飲品，開胃！

好味既野幾爛既地方都去囉，但唔特別既，無回頭！sorry!埋單$144！唔會好飽肚，佢幾好賺（個人意見，知道好多追捧者，各有口味啦）唔試唔知身體好！

同場加映！森more 抹茶朱古力雞蛋仔$23
望見都好味！開放式有位坐下，吹下水！但整一底都好鬼耐，食完港女自拍，幾好！好濃既抹茶味，內面朱古力好滿，唯獨唔好既係，佢唔算脆，好似硬d既蛋糕甘，好飽肚！唔錯！