我愛食好西~I Love Eating "West" : 1月 2017

2017年1月24日星期二

秋月居@太和

秋月居@太和

我話元朗多野食！發覺大埔太和都唔少野食...今次朋友帶我來《秋月居》

經常爆座所以要一早訂位，兩個人4人枱，佢唔會要搭枱，nice!
望見係居酒屋，但又有bar枱，超多酒！望下drink list，好多款飲品又有酒飲

不過今日唔想飲凍野，唯有影下隔離枱既飲品，甘似落左bar既

軟殼蟹野菜沙律 $49
甘抵食既？軟殼蟹就一般，比較乾身，沙律夠凍！唔錯

什錦刺身二款 $68
肥厚4片三文魚，4粒帶子，都幾鮮！又係2人之選

燒牛舌 4件$25
真係好平，不過牛舌超難咬開，佢又唔係完全實淨，但要成舊咬，麻麻地，點沙爹汁都無特別，不推介！

鰻魚芝士蛋包鐵板飯$78
依間鋪既推介，當然要試！一上枱好邪惡又吸引！點知即食，個鐵板唔太熱，蛋就已經熟哂，芝士唔太溶..個飯好少，撈埋一齊食，無左個種拉絲又熱辣辣既感覺，好失望..鰻魚就正常，唔算好厚，不過不失！

依間店鋪價錢中下，而且又有多款飲品，可以慢慢傾計！所以我會再來試下其他食物

地點好近太和港鐵，都算方便

地址：大埔汀角路13號啟昌樓地鋪

我愛食好西
http://www.facebook.com/iloveeatingwest

2017年1月23日星期一

Burger Jobs@荃灣

Burger Jobs@荃灣
真心覺得現在香港開左好多間漢堡包店，簡單漢堡包同意粉，已經俘虜左好多小市民！

我係其中一個，去到荃灣海霸街唔知食咩好，於是揀佢，因為粉藍色既包皮好吸引！又唔使等位

依類漢堡包快餐店，座位少，全自助，免加一，快食快走！價格又唔貴，質素又唔錯！真心讚

揀左三重芝士手打牛肉漢堡$88，包薯條，+$15有沙律同飲品！
無揀藍色漢堡，怕得個樣..唔好食！
今次依個漢堡包好勁量，正常但唔juicy，薯條普通唔香口..沙律正常！少少失望

香蒜辣椒蜆肉意粉$48，好辣，意粉比較乾！好惹味！

地址：荃灣荃興徑2-8號昌泰大廈地下7A

我愛食好西
http://www.facebook.com/iloveeatingwest

上海生煎包@旺角

上海生煎包@旺角

病後當然要去食好西，出開旺角，成日想試生煎包，於是博一博！
點知，生煎包好食，但其他普通d

生煎包兩個$17，都幾貴，但咬開少少，就爆汁，嘩嘩！好多湯汁好正，熱辣辣，外表煎到少少硬，入面好juicy，肉質嫩口，真心值得！

小龍包無咩肉汁...總之食多兩個生煎包仲好啦！

川味鳳爪大碟但唔係我杯茶..

四川担担麵，好重花生味，多肉碎，味道不俗！

最後有土匪雞亦，幾好食

食完有感，以後買生煎包外賣就可以！

地址：旺角豉油街72號地下

我愛食好西
http://www.facebook.com/iloveeatingwest

《穿腸的驚魂～食好西不代表唔健康✌🏼️》by 潘小彤真人真事下集

《穿腸的驚魂～食好西不代表唔健康✌🏼️》by 潘小彤真人真事下集

上集講到我做完腸胃鏡，又做哂超聲波，諗住等報告後可以走....點知發燒！
就係因為食左煎雞亦，熱氣又響醫院冷親，喉嚨痛後發燒,，訓響床度，又發冷，又累，喉嚨又堅痛，我即whatsapp阿嫂問，醫生響唔響診所，會唔會開退燒藥我食...點知佢話醫院姑娘唔打俾醫生係唔會做野，於是我同姑娘講叫佢打俾醫生，佢先打電話，仲要我響床度足足等左兩個鐘都未見藥....我簡直好似響地獄走左轉，辛苦難受！而個肚就不停放屁，因為照腸鏡會打氣落去，放屁先最好！否則谷住個肚

到晚上7:00，老公黎探我，但我發燒，醫生驚我有感染，而且最驚我腹痛，我又有少少，穿腸係意外，萬一我發低燒又腹痛，可能穿左腸走左d屎落腹腔，就大q鑊，要做手術架，當時我超驚！醫生問我點解發燒，我點知wor

報告：腸無息肉，有細粒痔瘡
胃無事，膽固醇正常，無貧血，肝膽腎正常，子宮卵巢，輸卵管正常！唯獨竟然話我心有事...佢話我心跳過快，要搵心臟科醫生睇我，要留多一晚！
幸好食左d藥訓得好好的一晚，不過退完燒又發過，好驚出唔到院呀
佢同我做心臟超聲波，個女醫生話我心跳得好快，不過可能我發燒，可能心跳快，真係唔知咩事，個心整體又無事

我同醫生講，點都好一定要出院！1:00前出院呀，唔係又計多一日錢，而且要出院做d緊要野！最後病住都要出院

終於最後我都能出席公司春茗，上台拎'十年服務獎'🏼️等左10年啦！

後記：到現在幾日我仍然感冒，但會慢慢好的！腸胃驚魂又告一段落，無咩事，無穿腸，屙屎正常，但要食纖維粉，胃藥，抗生素！以後最好食少d燥熱野！證明食好西，但平時要注意健康，食多d有益食物補充！食好西亦唔好食到盡，甘就可以食好西食到老喇

心跳快，仍未睇報告，唔知使唔使揹部24小時心電圖，如果有新進展就出最終回啦！完

我愛食好西
http://www.facebook.com/iloveeatingwest

2017年1月14日星期六

《四隻煎雞亦的禍害～照腸胃鏡的認知》by 好西妹潘小彤真人真事篇~上集

《四隻煎雞亦的禍害～照腸胃鏡的認知》by 好西妹潘小彤真人真事篇~上集

都市人的病，大便抹紙巾時有鮮血！我係其中一個，驚左好多年，每次之後又唔見有血，當然不了了之....但近排密左好多，因為好西妹，又貪吃，燥熱野又最like...之後就大鑊，兩三個月又一次見血，最近仲腸痛痛地...又見身邊好多人有腸病，腸息肉，爭d變癌人心惶惶！於是我咪去腸胃鏡！

首先去診所，睇醫生，我嫂子診所的醫生，會做埋上下腹超聲波,約實左個日子就入院喇！揀左浸會醫院，應該平過仁安醫院，有買保險，但好弱的一份

戒口，3日前，3/1，4/1，5/1 要清淡，食肉，蛋，魚，粥粉面飯都得，千萬要戒生果，蔬菜，高纖維食物，刺激食物，辣野，豆類，豉油，蔥蒜都好似話唔得！其實我都唔知有咩唔食得

3/1 早餐：蒸燒賣（dry，無落調味料）
午餐：公司飯，米飯，少少肉，魚
晚餐：雲吞河，走青蒜
4/1 早餐：蒸燒賣 again
午餐:公司飯，少米飯，少少肉
晚餐：自家煎雞亦4隻，一盒鳳爪排骨飯
5/1 早餐：白粥午餐：少少飯+少少肉
晚餐：白粥again ,19:00入院開始禁食

點知，煎雞亦個晚開始喉嚨痛，pk了......
真係忍唔到口，原來發覺係要戒煎炸，去皮肉或去渣魚,食左甘多點算呀
入院後20:50 開始飲瀉藥..佢幫我溝左水，都唔係好大壺呢，但要自己再溝水飲，飲下咩料先，護士話依隻好強，包我12:00前屙哂,係咪真先？
味道：就甘飲好咸好咸，鹽水，加多d水似寶礦力味，開始時都好輕鬆，唔好快飲，要等腸吸收，但唔知點為之慢....飲飲下反胃，頂住頂住，護士話要慢慢飲，唔溝水又好咸...點知飲左兩個鐘都未飲完，開始肚仔攪動，其實唔係肚痛，只係感覺急屎，於是一路睇住《藍色的大海》一路屙，以為好快完,點知坐響廁所走唔到，不停屙，返床再飲幾啖又屙...足足13次大約，仲未飲完，仲要已經凌晨1:00，不停趕快飲埋少少，等再屙，護士話要走動下，一個鐘要起碼飲水2-4杯，我照足哂，但到尾段，明明屙清，變成尿，但仲有渣（護士有相俾我睇，變成點先合格，佢又會入黎睇屎，點知清完又屙返混濁,護士1:30已經話唔準再飲水了，我點屙呀,仆街了！未屙清，佢叫我訓左先，我擔心死，點知再屙又濁，攪到護士行黎起碼5，6次，攪到4:30，我正式訓上床，好凍好累！醫院冷氣真係好q勁！訓到6:00，又叫醒我刷牙洗面，插豆,我真係好累呀！佢話由pat pat射水，忍10-15分鐘,我諗得卦！點知唔夠3分鐘跑去屙左，好多屎渣，又仆街了....護士話唔合格，要我再屙，但無得屙，pat pat窿已經損左，有少少血！我已經用濕紙巾抹pat pat啦....到9:00，正式做了，換好衫，護士話再黎一次射水，我因爲我未確定乾淨，再忍，好難受呀，今次忍到5分鐘！
真係只見尿水色，無渣，放心哂！因為有屎響腸，睇唔到腸，要再做過架....又或者易刺穿條腸，到時大鑊.....

9:30 開始行去做，做時麻醉師話我心跳過快，即做心電圖，我話我緊張啫！
打側身，除少少褲，俾佢噴野麻醉口腔，慢慢吞下藥物，嘩，好難受，喉嚨無哂知覺，佢就打針喇，暈左！
醒返好快，好多人講野，我清醒，但唔想開眼，有d累！！做左應該30分鐘內，唔知幾耐，上房10:20，佢要我聞氣，我醒哂，仲想拎眼鏡但又唔敢亂郁
過左1個鐘都無，佢帶我去照上腹，下腹唔急尿無得做住！回房叫左碗皮蛋瘦肉粥$38，因為喉嚨痛,又貴又唔多好食...
之後咪狂飲水，忍尿，要好急先做到，點知時間控制錯了.....好急時叫姑娘，安排落下面，再等，我已經好想爆！！！等左5分鐘，我問姑娘到我未，我面青哂，好急呀，佢即俾我上床，醫生亦好快同我做！佢一照，第一句話...m come到！哈哈（就快m come甘都知,跟住我就衝去屙尿，爽!
誰知回房後就大鑊了！頭痛，發冷，好似發燒..............
下集......再講