Mitsui Outlet Park 三井outlet
金子半之助
最後一日都係崇日，想食下日本野！
三井outlet算方便既outlet，響市區。
不過價錢唔算平，應該日本平d....最後空手而回。
未食過金子半之助，之前響東京台場見到都無食，今次一於試下！
我從來都係一係唔試，一試試最貴既！
江戶前天丼 420元 ，港幣都過百元！
好食到暈，一上枱熱辣辣！
D餸太多，要分開去，條星鰻長到
無骨又唔腥，隻蛋撈飯...蝦又彈牙！
其他配料淨係覺得好好味，不停食，都唔記得係咩來...最緊要係個汁，甜甜地咸咸地想加白飯呀，唔該！
總之另一個唔食海南雞飯啦!一d都唔特別，成個飯我只能分享到一半，同某人爭食！加買雪糕，柚子味，好fresh...似雪葩，不是雪糕軟滑，我食左一啖ja，個雪糕筒底無雪糕，得個面！
下次去東京再食過...上飛機前食左food court既春水堂，品質好差，唔好食！不值一談。
快閃台灣遊完結！
沒有留言:
張貼留言