Story Steak & Pasta❣️元朗雞地，入面好冷清，我地係第三枱客，兩個人就食二人餐！$308加一
野食好快上，先黎沙律，個包好好味，牛油好重手，烘完新鮮熱辣，不過超細片，另外香草薄餅就唔脆又無咩味，應該係甘，點湯！巴馬火腿同菜都無咩特別，Parma Ham好薄身，唔出味！
湯係磨菇湯，唔錯wor，賣相吸引，略嫌唔夠熱！
再黎意粉，忌廉煙三文魚意粉，但係無汁...好乾身，好淡口，咸蟲既我覺得無味...少少失望..我煮仲好味！
主菜喇，揀左西冷扒配薯條！7成熟，黎到都幾生，好多血水，塊扒少少硬口，味道無咩牛味，黑椒汁幾辣，薯條好脆口，但過左龍，太脆，變成乾，我比較鍾意外脆內淋
最後熱檸水完結！好唔好味就一般喇，但無人趕走，全店一個侍應做埋收銀，不停加水成日唔見人，仲諗緊佢會唔會做埋廚房！最特別係好多人坐低一陣就走左，起碼兩枱客....唔啱食？但點解出面有餐牌，唔係睇完先入黎架咩？
成晚就係冷清清！我地坐到夠哂皮，口水都乾就走喇
地址：元朗鳳攸南街9號好順利大廈地下3號鋪
沒有留言:
張貼留言