"瘦華dee cup"
泰妹上身
是晚泰國菜，非常美味
食好西～煮食篇
生蝦刺身
買活蝦冰鎮，但我無買到，用急凍蝦，真係無甘彈牙!返來用食用水沖下，再加冰加水浸下！
生蝦醬汁
指天椒2只 切碎
青辣椒仔2只 切碎
蒜頭 2粒 切碎
芫茜 1棵 切碎
青檸1個（整成汁）
糖 1湯匙
魚露 4湯匙
香矛1條切碎
紅蔥頭2粒 切碎
有人用白醋，我無！味道自己再調一調
香矛豬頸肉
一塊豬頸肉，洗乾淨用叉吉下
醃料：黃糖2湯匙
魚露2湯匙
紹酒 1湯匙
老抽2湯匙
紅蔥頭2粒切碎
檸檬葉2片，切碎
芫茜1棵切碎
醃一晚放雪櫃
預熱焗爐，180度15分鐘，反轉15分鐘
醬汁：青檸汁1個 （整成汁）
指天椒1隻 切碎
青辣椒仔2隻切碎
芫茜1棵切碎
蒜頭切碎3粒
魚露2茶匙
黃糖1茶匙
辣椒粉少量
生菜包
生菜 洗乾淨
豬肉碎$20
開鑊落油炒豬肉，加3湯匙水，炒熟落'生菜包醬料包'（朋友送），炒好再落
紅蔥頭2粒切碎，芫茜1棵切碎，蔥1條切碎，檸檬葉2塊切碎，炒好攪掂！
明爐烏冬
用bruno,烏頭$42（1斤）
香矛4條，南薑2舊仔切片，檸檬葉5-6片
蔥2條，蒜頭3粒切片，青檸2個，指天椒3隻！
洗乾淨，擦走肚內黑色污物，用鹽抹身，再塞香矛，南薑，青檸檬片，檸檬葉，蒜片落肚內
蔥段放煲，加少少水、魚放面，蒸5分鐘，拎起魚！
再落油加香矛，南薑，檸檬葉，蒜片，指天椒，南薑炒，爆香！再加魚湯（濃湯保+500ml水），煲滾，轉細火，加魚露2湯匙，加糖半湯匙！調味
放返條魚煲多5分鐘加青檸汁！完成，一直細火，慢慢食！
冬蔭公湯
失敗，湯包醬料難飲....
真係滿足的一餐！打了一場硬仗
野川拉麵之深宵食堂@元朗
兩度光顧，拉麵唔算上正宗日本拉麵，但因為便宜，多款選擇小食，所以會再來
早餐都有既拉麵店，果然生意難做！每朝經過又有好多人食早餐..係正常西式早餐，拉麵有無就唔知。
店鋪裝潢似韓國燒肉店，座位係油筒，佈置得幾有味道
豬軟骨拉麵 $69配芝士辣湯
此款推介...🏻兩次都食，豬軟骨好入味，好淋，大概有三大舊！湯底係我最鍾意，有一塊芝士在面，辣湯，但不是辣油味，正...拉麵有好多木耳同旬，簡直係我杯茶...入面隻蛋，好白色，不過就唔係太流心，蛋味不夠，麻麻地。
海鮮什錦烏冬 $75配豬骨湯
真的不要叫，海鮮都係比較伏，唔新鮮，青口，帶子，蟹棒，蝦，魷魚，豬骨湯真係好似出前一丁豬骨湯味，最無誠意既味道
照燒雞扒拉面 $65配血池地獄湯
拉麵正常，雞扒碎上，份量算多，普通，血池地獄湯，真心辣...但上枱時係一pat辣汁在湯上，自己撈，感覺不好！
日本信州蘋果梳打$28
好多人飲，我又飲，酸酸甜甜，堅爽..仲要冰底
燒黃金生蠔$10
堅抵，熱辣辣，好味！唔算大隻，但ok!
❤️提子汁 $32
不似藥水味，但係冰底太多，飲到一半已經好淡...都係蘋果味好d
此店有磯燒，但我未試...小食有好多款揀未試！
宵夜飲啤酒食串燒，唔錯！
最緊要不用加一，都算抵啦！
地址：元朗又新街40-48號榮豐大廈地下B號鋪
努力食好西之餘，都要努力煮飯
買部機返黎，好開心！有動力煮飯喇
EC Kitchen@元朗
元朗出名的漢堡店！我自問食過一兩次而已....今日再食一次
二人餐抵食$118，真心夠飽
兩個漢堡包，意粉兩個/意粉+小食，飲品
芝士牛肉漢堡
牛肉好厚，熱辣辣，好勁量，食哂成個包，牛肉仲有剩，感覺好流，食落覺得唔算特別。但當然好重牛味
磨菇吉列蝦漢堡，推介
吉列蝦熱辣辣，好脆口，磨菇堅正，未試過甘正既磨菇，配上千島汁，感覺唔會流，食哂成個好美味...一路寫一路想再食
肉醬芝士薯條，原以為好夾，但係唔多好味...一個字流，而且薯條粗而扁身，一大盤好飽，覺得炸好，加鹽點茄汁，已經足夠
黑椒汁雞亦腸仔意粉，漢堡包店當然唔好食意粉啦，意粉硬度適中，雞亦正常，腸仔偏咸，最慘係個汁，黑椒唔辣，又唔似黑椒汁，淡淡地唔香，嚴格講唔好食！總之食漢堡包算啦
自己點餐，坐低侍應送上食物，戶外座位，室內有兩個bar枱位，比較窄又熱！戶外遇著一點涼風，都幾舒服。
套餐包飲品...兩款，自己取，不包樽裝，大路飲品！
食飽後，真心覺得$118兩個人，好豐富！不過如果唔試套餐，散叫都唔貴！漢堡加$10有薯條同罐裝飲品，其實比起出面好多漢堡店便宜...店內仲有多款小食，唔要薯條又有洋蔥圈！
下次要試下依度出名既海膽漢堡系列❣️
地址：元朗鳳攸南街3號好順景大廈2期19號鋪
