元朗特輯~德國佬

食好西，唔等於一世食好西架，阿女！

今日中伏！本身拍哂片，係因為對佢高度期望，點知失望返歸..仲要FB話我短片內容其他人所有，唔俾上載？短片我自己影同剪架wor...唯有youtube!

Youtube 短片

《元朗特輯～德國佬》

一行8人一早訂位，感覺良好，昏暗既情調，期望食一餐美味晚餐..

坐低後開紅酒，侍應話要收開瓶費$150，我地訂位問左只要叫兩杯啤酒就可以free左去！點知侍應開始面露不悅，應該唔係普通侍應！老闆娘？？？

一直無笑容，到叫餐，8個人叫一隻豬手，德國腸拼盤，4個set dinner!大家share食！
（可能我地叫得少...因為我地食唔到甘多野）疑似老闆娘仲黑面!!全程我望到佢，係佢本身個樣甘定7月14我睇錯...

Set dinner包括：

田園沙律/薯仔沙律/+42鵝肝沙律 

無一個沙律好味，田園沙律少少醋，菜得紅色個種，薯仔沙律無汁，無味，鵝肝太細塊伴大量菜，又是全紅色沙律菜，碟就大喇...

餐湯，淡味粟米湯，拉花，完全唔知咩來，唔好拉好過啦！（放低支黑胡椒俾我地，朋友想拎起時，衝埋來幫我地落，快速收埋左，想點？
讚服務好還是話怕我地跌爛你支黑胡椒.....）感覺好差，我想落多d都唔得...

主菜：

西冷8oz $158，差

牛柳8oz $228，更差，5成熟，但咬落好硬，完全鞋口...

海鮮什菜意大利飯$168，我見識少，濕飯，淋到呢....無口感，無味，賣相差

鴨胸墨汁意粉配香草汁$128，這款最好，味道剛好，算香口，鴨胸幾淋，好味！

甜品：法式焦糖燉蛋，好細個，唔得體，算滑！但俾個雪糕我，可能開心d!

德國燒豬手$188，抵食，好味，脆皮！

德國腸仔拼盤$188，賣相唔值$188蚊！好似我響屋企煎腸仔，無特別

白啤 500ml 黑啤500ml $68

一班人最緊要係相聚傾計，半途疑似老闆娘叫我地'細聲d'!但8個人一齊傾計，
好難好靜，但我地絕對無大排檔feel...

原來有比較就差好遠！上幾回食的意大利佬，又好味又服務好，點比！一定不能返轉頭！唔好擰轉頭呀！7月14......

地址：元朗鳳攸北街11-15號益發大廈地下16-17號鋪

我愛食好西
http://www.facebook.com/iloveeatingwest