宗像屋

貪字得個貧!!

因為架車響公路失控，執返身彩，未死得，所以去左深水埗整車，咪順道試下新野！

興奮過頭，食大左，食完好似有把刀插左心口一下，仲要俾隔離個件話我"富貴"

《宗像屋》，上網見人食好似好正甘，一早知得4個丼選擇，無其他食品！午餐時候光顧，門口無門牌，入到去細細間日式食店，兩個師父企響度大叫"歡迎光臨！

感覺良好，坐低後隔離個件即刻話食最平個！我就無睇清楚，只係打算食個第二貴，
應該無甘就賴野

一到來是前菜，胡麻醬配油金魚兩塊，講真幾特別，但普通味道！還要留在最後先食！

丼有三食，第一食係最基本，wasabi溝豉油，淋落飯到！

飯一上枱，當然吸晴，高高的碎魚生，但睇唔清有咩魚生！配上紫菜兩塊，係第二食，紫菜包魚生飯！第三食就係將飯倒入碗連魚生碎，加胡麻醬油金魚，俾侍應加湯，做菜漬湯飯！

食後感：5個字，可一不可再！因為全部魚生碎上變了蓉，完全食唔到甜蝦呀帶子呀，統一味道....賣相吸引，但食材不算高上，算新鮮但價錢比較貴，最平$108，我食松，只是多一種材料，蟹肉，就$198，比較下，梅同松只差蟹肉就$90，蟹肉份量還要少..

上網好多人食$298，多了海膽！我無食不知海膽新鮮與否，但知不太多，如果係甘$100多兩大pat海膽，好似貴左d!

價錢與食物不符，只係賣相得意！出面有好多更好味的魚生飯選擇喔！

去唔去食，你自己試下先知！

地址:深水埗青山道60號地下B鋪

我愛食好西
http://www.facebook.com/iloveeatingwest