蒸湶，位於九龍城衙前圍道，好似好難搵，但當然難唔道我依個人肉gps!
就響九龍城市政大廈過兩條街，近南角道UA財務斜對面！
一早約左時間，入門就換鞋，店鋪好骨子，簡約既裝修，感覺舒服！
放哂自己既私人物品響Locker!放心哂！
再換條褲，我醒目著裙，加條褲響面，阻止一陣流汗濕哂
個Toilet乾淨企理，證明間店應該會比較注重衛生！
希望一陣間可以一路享受一路瘦身啦！
揀左排毒美顏plan，蒸腳30分鐘！
所有野get ready,就放腳落去，蓋條毛巾！一開始個幾分鐘無料到！之後就開始好熱喇，
我既度數係3，最勁係9，但無人會較9度囉，因為會變熟豬腿！最勁個人都係6度，玩左10分鐘都較返低！
感覺：好熱但係可以接受，對腳開始流汗，腳板底有個按摩輪，自己不停郁下郁下，好有按摩作用！過左一半時間，開始要除褸，背脊滲汗！大腿小腿都流哂汗！好似做左30分鐘既運動甘！對手都可以放落去蒸！
蒸完抹乾淨d汗，表面有d紅，好似話濕氣重先會，我成日坐冷氣房，返屋企又開冷氣，凍飲當然唔少得，成個人濕過吸濕大笨象！對腳出哂老泥，摸落去滑左又白左!!蒸完成個人爽哂！蒸腳係入門班，因為我比較怕熱，怕蒸身受不了!!
不過經過今次之後，我諗會考慮蒸身！
蒸身要40分鐘，換哂衫坐響木桶，感覺好似焗桑拿甘，但係就有中藥響入面，功效加倍，利用藥物經過煎煮後既蒸氣，使中藥通過皮膚表層吸收，進入體內去濕排毒！
注意，蒸腳就無咩禁忌，但係蒸身就有好多禁忌
有病就唔好蒸喇，過飽過飢，或者飲左酒，懷孕，生理期都唔好！如有皮膚病，中藥敏感，濕疹、傷口都不適宜薰蒸架！
建議薰蒸後2小時內避免沖涼
仲有只限女生蒸身，蒸腳就男女老幼都可以！
薰蒸最佳效果，一星期連續3次，其後一個月一次，每個月一個循環！
總結：好似我甘懶做運動，薰蒸完出一身汗，當做左運動又唔錯，有中藥薰蒸感覺好似勁d!依度幾乾淨，環境舒服！
開左4個月算新淨，員工好nice又專業，有問必答！最緊要感覺relax，無hardsell我買套票！做完就bye bye!
地址: 九龍城衙前圍道70-72號金滿樓2樓A室
電話:2348 2662 (要預約)
營業時間:上午11時 ~ 晚上10時
可現金/簽卡，可買套票!
可現金/簽卡，可買套票!
現在有早鳥優惠!!星期一至五 11:00 ~ 15:00 蒸腳 $89 , 蒸身 $189 ，就到時間就好抵喇!
沒有留言:
張貼留言