九龍城泰菜，多不勝數！今次介紹我喜歡的一間。泰發泰國餐廳，依間店鋪之前有兩間鋪分開斜對面，但執左又開返間響自己隔離！始終一間鋪太細了!!
裝修後的泰發比之前更乾淨企理，早去又有位坐！坐低有蝦片送，好正呀
可以即場買蝦片回家食！
生蝦刺身 $85，唔算太肥美，但算新鮮，個醬小辣，幾惹味，夾住蒜片食無敵！炸左既蝦頭無人食，我都麻麻地
馬拉盞炒通菜 $58，好夠味道，無咩特別！
半生熟既燒牛肉，咬落去有咬口，6成熟，但無血水，大量蒜蓉辣汁，下面底係芥蘭，嘩嘩，吸哂d肉汁同辣味，好正！
黃咖哩雞 $78，個汁唔辣，但勝在重咖哩味，少少杰身，雞就無咩特別，條狀型細細舊，算嫩口！主要配蒜蓉包
蒜蓉包 $26（5件），熱辣辣，好脆口，但蒜蓉唔夠多！點左咖哩都ok!
青檸梳打 $25 ， 珍多冰 $25
依度價錢唔貴又好吃！我俾
只係無咩服務可言！加一服務費
地址：九龍城城南道8號東昇閣地下
電話：2718 0964
沒有留言:
張貼留言