台北快閃遊
Day 2 晚餐
本身想由九份搭車去基隆夜市，但比較遠，而且已經去過，唔啱我口味！於是轉場搭1062巴士去到松山站，fit 過London ...搭左大概45分鐘，架車又舒服，落車就到《饒河夜市》
我地行左陣五分甫，女士天堂，男士都有部分鋪，不過我最後都兩手空空，平衫100元（$25）唔啱口味，貴既又想等日本先買
饒河夜市，第二次黎，大約600尺街道，兩邊加中間鋪，不算太大既夜市，但係有我鍾意食既野
💖福州世祖胡椒餅，大排長龍，50元，熱辣辣，超級新鮮，熱食真係好啱冬天！但現在都好好好味
💖魷魚大王，真係正，可惜無鬚的，一片片魷魚！我要中辣，佢問左幾次，可能覺得我無可能食到...坐低食，上一層樓，最好就係有d風又有廁所...120元，都幾大兜，辣我覺得足夠！
💖椰沙奶昔60元，即整，又有雪糕球，等佢慢慢溶，好透心涼呀
💖邱記燒烤，自己夾，以為會再翻熱，但無，食左腎，雞皮，雞亦串，肥腸，最好食係雞亦串，熱熱地又夠味！不過燒烤來講，唔惹味！
💖金桔檸檬 50元，都大杯，酸酸甜甜，解渴
💖老天䘵，西門町，回酒店都仲要買來食！唔使介紹啦
台北快閃遊
Day 2 九份老街美食
💜無敵香腸
醬爆丸子+黑豬肉腸 每串35元
兩樣都👍🏻👍🏻
💙阿珠雪在燒
花生捲+雪糕 40元
真係一流😋😋😋甘熱既環境，薄薄既皮包住花生碎再加雪糕，簡直透心涼😎😎
💚
現烤臭豆腐 35元兩件
超級無敵正到爆❤️唔似香港乾炸，仲有汁，加辣加豉油辣椒，我落左勁多😎😎
💛
宜而香魷魚大王
一捲乾魷魚 100元
要辣唔夠辣，又唔夠脆，失望！
同場加映：瑞芳車站出面買'超大杯'
水蜜桃紅茶 50元堅抵飲😱😱😱好好大杯
台北快閃遊
Day1: 晚餐~八田帝王蟹吃到飽
晚餐：1350元加一 ，圍返港幣$370，食完覺得都唔錯
因為無訂位，去到好彩有位，之後好快full!一坐低已經有一鍋蔬菜，前菜魚生同沙律會先上一盤給你，可以叫牛豬雞羊，仲有鍋物類既肉同菜！
❤️鍋物就無咩特別，我地主力食菜無肉，蟹腳都係滾過一次！
💛燒物，當然海鮮類超正，係每款都好味，帝王蟹係主角，當然食左三轉
💚刺身不新鮮無味，壽司好差，舊飯似樟胡....無再encore!沙律都係淡淡味
💙燒肉，每款都好有肉味，仲要幾新鮮
💜特別在每人一隻生蠔，好大隻呀，有芥辣
❤️飲品，無咩選擇，得可樂雪碧，其他熱茶，沙冰，蘋果醋，蘋果醋我有飲，好難飲.....
💜甜品有Haagen Dazs，我地唔識聽，strawberry 同orange，下orange係咪講錯呀，於是要返strawberry ，點知隔離講真係要橙，仲要黎到我先知係Haagen Dazs...橙味係新野！好想試呀！
依度服務超好！全程無燒過野，一律有個男仔同我地燒野！無郁過！又點餐又換垃圾桶！超棒！
食物環境幾好，但最好訂位，間野比較細，不過有分店但分店無鍋物！4人送龍蝦，我見隔離枱龍蝦剛剛撈起，仲郁緊！
飲品要再增加款式！甘既價錢都可以一試！
地址：台北市松山區市民大道四段159號
快閃台北遊
第一站：天天利美食坊
一間舊式小店，非常多人
天氣熱，冷氣爭一點
滷肉飯+蛋 （大）55元
超多肉汁，可惜蛋過熟唔流王......失去意義！肉就唔算肥，大碗飯一個女仔都可以食哂！
青菜 35元
個汁好味，咸咸的唔似咸豉油，但就比較油！通菜係我杯茶！
羅白糕 50元（兩塊）
煎的但唔脆面，不過有兩隻汁醬，但食唔出係咩醬，咸咸的！都不錯！
同場加映：茶茶果 珍珠奶茶 50元，是但揀，大杯不算超大杯！珍珠比較淋身，奶多唔夠茶味！但解渴！因為台北仲熱過香港！（太口渴無影相）
地址：台北萬華區漢中街32巷1號
