北海道之旅~六花亭@小樽

六花亭@小樽

小樽超大雪，入去六花亭試食，真的很過癮..之後上一層，買個泡芙，吉士味！90yen..好抵wor!再免費飲咖啡買一個有一杯，自律的，自己斟。
都算有好多座位，可以休息一下。不過杯咖啡超難飲，有人話凍冰冰，加完奶同糖都苦澀澀......
個泡芙，真的不錯，超多餡，簡直爆瀉。係個皮比較軟，好淋！

地址：小樽六花亭

北海道之旅~ 8段雪糕@小樽

8段雪糕@小樽
呃like指數爆燈！

甘凍天氣食雪糕已經係挑戰！食飽再食雪糕，係難度
買杯雪糕欣賞下雪景！一大樂事
8層雪糕有兩層重覆既...明明話8層唔同味，應該係姐姐亂溝！最好味係哈蜜瓜同士多啤梨，當然有我至愛既朱古力
但個筒無咩味道不過脆，雪糕又比較淋身！
580yen ，8層，3-4個人食就剛好！但我地兩個人食完又流左

地址：小樽北一硝子3號館

北海道之旅~~武田鮮魚店@小樽

武田鮮魚店@小樽

一到小樽，即衝入去。原來好細的三角市場。一入去就已經見到這間店，一條行，幾間店鋪，好似壟斷市場！

不用排隊，坐日本他他米，有人超辛苦話食得唔舒服！因為大肚腩
出面過一陣好多人，有得即刻揀蟹，半蒸半燒，不過昨晚食左唔食喇

前菜似魷魚乾，幾好味，唔算腥

ANA特製丼 2300yen
兩個人都食同一款，有三文魚，蟹肉，蟹籽，海膽，咩都啱我..可惜好失望！
因為一來食第一啖，個飯好熱，我個人不太喜歡...整個飯無咩鮮味，比起場外市場，依度差一點！

烤扇貝兩隻，是上網找到《樂吃購》拎coupon免費送的，只要show電話coupon就可以！正呀，免費都唔差！

地址：小樽三角市場

北海道之旅~~Cremia 軟雪糕@札幌

Cremia 軟雪糕@札幌

行經狸小路，見到即刻想食！
超濃郁既牛乳味配上餅筒！點形容wor!
食左先講
500yen，有人又肉痛！

地址：狸小路大街既札幌藥店內，細細間店

北海道之旅~~蝦蟹合戰 @札幌

蝦蟹合戰 @札幌

一間任食蟹腳放題！因為無訂位，一早到！6:30到但好似好full

兩個人坐6人枱...揀左7000yen/人，任食毛蟹，松葉蟹，帝王蟹，又有蒸蛋，壽司，炸天婦羅，但係配角一d都唔吸引，無再食了！

帝王蟹，好新鮮，好大隻呀！

松葉蟹比起香港好味好多，又大隻又有鮮味，唔會凍冰冰
毛蟹有驚喜，好多膏...好正

加左300yen叫烏龍茶，真係唔夠飲！食完比較口渴..但任飲又好似太貴，1300yen!我地唔飲啤酒！

任食90分鐘！好多日本人食！時間都夠，食左兩三轉已經好濟口...好流呀

地址：札幌市中央區南4條西4 F45 12/F

北海道+東京12日之旅

我愛食好西，又再出現喇！

因為前排太忙，足足無蒲頭3個月！

一黎，當然帶俾大家精彩食評啦！

出發，北海道+東京12日之旅

肚皮要開動喇

台北快閃遊~~Mitsui Outlet Park 三井outlet

Day 3 ~last day!
Mitsui Outlet Park 三井outlet
金子半之助

最後一日都係崇日，想食下日本野！
三井outlet算方便既outlet，響市區。
不過價錢唔算平，應該日本平d....最後空手而回。

未食過金子半之助，之前響東京台場見到都無食，今次一於試下！
我從來都係一係唔試，一試試最貴既！

江戶前天丼 420元 ，港幣都過百元！
好食到暈，一上枱熱辣辣！
D餸太多，要分開去，條星鰻長到
無骨又唔腥，隻蛋撈飯...蝦又彈牙！
其他配料淨係覺得好好味，不停食，都唔記得係咩來...最緊要係個汁，甜甜地咸咸地想加白飯呀，唔該！

總之另一個唔食海南雞飯啦!一d都唔特別，成個飯我只能分享到一半，同某人爭食！加買雪糕，柚子味，好fresh...似雪葩，不是雪糕軟滑，我食左一啖ja，個雪糕筒底無雪糕，得個面！

下次去東京再食過...上飛機前食左food court既春水堂，品質好差，唔好食！不值一談。

快閃台灣遊完結！