根室迴轉壽司店@札幌
六年前吃不到，現在又再黎，今次等商場開門。問你死未...一上到去原來可以拎飛，唔使排隊等開門，甘都好d...排第10！跟住行陣商場就等叫號入座！因為地址不算太大。六年前來到要等120分鐘，暈！所以無食到...
11:00準時開門，嘩，全部人都好有士氣，不停叫！當然我諗係歡迎光臨之類！
坐低開始倒醬油，拎緊筷子之際，茶都未斟，師父就已經不停遞碟壽司俾我地，有帶子呀，魚呀，都未睇清楚係咩，隻手又不停接...總之好忙！
最貴一碟453yen，最平140yen!嘩嘩！最貴都係港幣32蚊一碟，最平爭鮮價9蚊碟！正！
不停食，有d無影相！太急喇！
除左迴轉，仲可以點壽司，有哂中文！有熟食！
當然唔少得個花咲蟹味噌湯3百幾yen ja!雖然無蟹肉，但係個湯好熱。味道有一陣陣蟹水既味，我喜歡
狂食一輪都只是40分鐘..爭鮮時間！佢無限時既，但食壽司有幾耐呢！
埋單：大約港幣380蚊，17碟
但食到好多貴價食材，海膽，帶子..真係超值又好味新鮮
我俾10個like
地址：札幌Steller Place 6樓
Waiwaitei @札幌
Sukiyaki 係我至愛！又去返狸小路食
依間係任食，+1550yen任飲包括啤酒！但我地就550yen任飲汽水茶..任飲90分鍾
有shabu shabu同sukiyaki 揀，亦可兩種要哂!但我地無謂浪費金錢。只揀sukiyaki,食黑毛和牛+豬..3920yen/人
一來到，嘩，有菜有肉，會跟rice ball同烏冬，牛肉包住個飯，味道又真係唔錯，最緊要唔流
第一轉既黑毛和牛好濃郁，重牛味，唔鞋口，但又唔係入口即溶！食第二轉，可能即整，唔夠解凍甘，入口無甘重味！
豬肉，好碎，甘幾好唔流，但無咩味！
菜入面有豆腐，芋絲，芽菜，娃娃菜，金菇，菇，不過食第二轉係任佢俾，唔齊全！食哂已經好飽，飲品我盡量飲左兩杯！
湯底好濃，唔使加湯，剛剛食哂45-50分鐘，我地食得好快！
最後有一個甜品，得一個！一款！係搽茶布甸，好滑
依間都唔錯既，平貴任食，由你選擇
地址：札幌中央區南2條西4丁目
Uchi Cafe X Godiva 朱古力產品
去到日本，當然搵最hit既食物啦！
但可惜......每款400yen，某人話以為200yen，食完先知400yen，又肉痛死！
因為一d都唔好食！
當然諗到係朱古力，一定甜！但真係超甜，雖然兩個都係中間夾左酸酸地既生果味，但整個食落口，覺得有食唔落既感覺！不過可能係我少食甜，依兩個太甜對我來講！濃郁既朱古力，愛好者一定笑住食..千萬不要以為好大個，係細細個架ja!不過就好了，好足夠！
地址：Lawson (限定商品）
六花亭@小樽
小樽超大雪，入去六花亭試食，真的很過癮..之後上一層，買個泡芙，吉士味！90yen..好抵wor!再免費飲咖啡買一個有一杯，自律的，自己斟。
都算有好多座位，可以休息一下。不過杯咖啡超難飲，有人話凍冰冰，加完奶同糖都苦澀澀......
個泡芙，真的不錯，超多餡，簡直爆瀉。係個皮比較軟，好淋！
地址：小樽六花亭
8段雪糕@小樽
呃like指數爆燈！
甘凍天氣食雪糕已經係挑戰！食飽再食雪糕，係難度
買杯雪糕欣賞下雪景！一大樂事
8層雪糕有兩層重覆既...明明話8層唔同味，應該係姐姐亂溝！最好味係哈蜜瓜同士多啤梨，當然有我至愛既朱古力
但個筒無咩味道不過脆，雪糕又比較淋身！
580yen ，8層，3-4個人食就剛好！但我地兩個人食完又流左
地址：小樽北一硝子3號館
