i CREMERia@尖沙咀
戒雪糕的開始！
打算開始要養生，食埋依轉先！
因為有$50 coupon，專誠來食
去到人頭湧湧，有好靚既Bar 枱，慶幸坐到兩個位 🏼️
不過食完即走，好多人等位....
千辛萬苦揀左《柚子抹茶餡蜜葩菲》$58
🏻🏻補$8有得食！
可惜好似普通左d，足料，抺茶雲尼拿，有大大粒小丸子，柚子，個底係類似啫喱！
不過點解雪糕唔係甘凍，好快溶
底部啫喱難食😖整體來說得個靚字！抺茶唔突出，可能依度最出名係蜜瓜雪糕，但係韓國個款又好似比佢吸引，仲要抵d..依度要$220，sorry我唔捨得食
地址：尖沙咀海港城海運大廈OT-G03A
Vitantonio 手提式攪拌機$238
有新玩意，健康生活由此起！
旺角爆丼屋
爆場，爆飯！
平日晚上都爆多人，當然揀午餐一試！
是日中午1點幾去到等20張飛！行開左10分鐘回來已經差唔多到我地！
一條長枱，坐最入，幾迫窄！
坐低已經有前菜，中華沙律！午餐有定食，但見好多人會揀餐牌既刺身丼，因為種類好多，但當然貴好多
三文魚火山盛丼$108
賣相吸引，食落好大碗飯，跟幾塊四州紫菜！三文魚好肥，吞拿魚蓉好新鮮！好美味呀！
火焰三色盛丼$82
依個飯有三文魚，蟹棒，xx魚...一時諗唔起...有隻蛋撈飯，更香！但d飯真係超多，我甘大食都仲剩一大啖！三樣餸都可以，唔算特別！但感覺d餸唔夠送甘大碗飯
第一個飯CP值高好多，而且午餐唔使加一，跟麵豉湯！大家可以一試
地址：旺角豉油街50號地下8號鋪
白石燒烤場@馬鞍山
一行10人，秋高氣爽，當然BBQ!
未試過，當然約齊fd 一早訂位！
訂位時，電話錄音話會錄低我地所講既野，咩甘嚴重！順利訂位，但想要乳豬，於是要網上付款先，金牌乳豬$638！
位置偏僻，停車場$10，消費滿$100有兩小時免費！（特別日子不適用）
搭車有免費shuttle bus，好似好勁，竟然有免費車！馬鞍山新港城四期地下來回白石燒烤場
地方好大，唔訂位應該都有可能有得食！
登記處拎飛，有哂劃位，分區域有枱號，去到有工作人員開爐！
我地剛好10人叫了10人餐，$1328包開爐費！佢仲有5人餐，或散叫，又有海鮮餐$1788 10人，但海鮮又唔吸引，於是叫燒乳豬，聽講出名
依度超乾淨，座椅、燒烤爐、叉呀都好新淨，食物全部封口，要剪開（佢俾埋較剪）每樣食物有標名！好攪笑！
燒乳豬要自己燒，但有個架好舒服，唔使點理佢，尾段有人會黎問使唔使幫手，當然要啦
食物講真就正常普通，雞亦同番薯最好食，扒類多款但細細塊，但丸類就少！份量望落少但食落ok!如果10個男人一定一定唔夠食！
乳豬唔算大，但都係要打包，因為真係好流，有埋幾包乳豬醬，讚
環境清爽，獨立廁所超大又乾淨！唔使排隊先最緊要！
食物用具都好揼本，但唔環保甘law...
最不滿意既係，有10支水卷，飲品卷
10罐，每次10支或10罐要一次過取，加錢轉貴飲品唔得，飲品部服務比較差，但其他工作人員超好，又多人巡視，每次加完炭都搵到人幫手加大d火（吹風機或藍色個隻易燃物體）🏻又有乳豬盒帶走食物！
如果要好環境好服務，依度係不錯，仲有不同種類獨大房..不過想食美味燒烤就去第二度喇！
地址：新界馬鞍山白石第1950號
程班長@荔枝角
諗住shopping前食個好味午餐！
但真心覺得麻麻地...
$52一碗紅燒半筋半肉麵
自己劃完食物，去收銀台付款！
侍應送餐，等到食物，自己又要去樓面取食具！No service，又坐得麻麻，如果好食就抵返哂law....唔好食，就後悔莫及喇...
成個湯底比較油，麵硬，牛肉同牛筋麻麻地好味
你自己去試過至知
