雞 全部都係雞
我其實都幾喜歡食雞
孖寶去骨海南雞@元朗
第一次決心入去食，平時經過驚中伏
入到去都幾光鮮，因為早無咩人，坐低阿姐好好招呼！
二人餐$148 無得輸！
先黎兩個湯，幾好！
+豆漿$5
揀左海南雞，好黃油！對雞，好執著！因為自己生意本身賣雞，依隻雞尚算唔錯，唔肥，肉嫩...兩個人食份量好夠！
點三種醬，薑蓉不會太咸，辣醬，甜豉油！甜豉油杰身，好正，撈少少飯
油飯，我本身不太喜歡，依個合格，但感覺未夠香！好大碗，食唔哂！
有油菜，仲可以揀一款小菜，
揀錯左，糖醋排骨...貌相好靚，但食落好鞋口，真係好硬呀，好頂胃....unlike..
不用加一！普通晚餐可以來食！
地址：元朗又新街27號地下1號鋪
大排擋的浪漫！好彩有冷氣
點解甘好食既？？！雞煲+小菜
又唔貴，好好食！
推介🏻...🏻燒汁鱔！
唔想小菜，又可以打邊爐！
雞煲
地址：西環堅尼地城士美菲路12K士美菲路市政大廈2樓
團購10次買9次伏
今次膽粗粗試下依個，因為本身比較貴而且想試好耐
Salt Recipes @元朗
幾多錢忘記了，大概要2百幾定3百蚊！（因為買左兩個月，現在先食）包一張$50Homeless 現金卷
位置唔多好，響Homeless入面，比較少人食！訂6:00，無咩人！服務超好！🏻清一色男員工，
眼見一個女侍應。
坐低已有menu!款款想食
蕃茄海鮮魚湯
湯好濃郁，有d似龍蝦湯，味道可以，但配上的格仔包，完全無味！點湯又唔夾，可能我唔識食
三文魚伴熱情果乳酪醬
個賣相幾吸引，煙三文魚正，但熱情果醬無咩特別！不過我幾喜歡
香蒜鮮魷魚墨魚汁扁意粉
嘩，真係幾好味，扁意粉不硬，無粉味，第一次覺得幾好食，口無變黑，係忌廉汁！配上海鹽，係邊款鹽呢？！侍應無介紹！但話食少少已經好咸 加少少落意粉，好好味呀，好似帶出左鮮味，魷魚好鮮！
肉眼牛扒配紅莓燒烤汁
肉眼扒好嫩口，要5成熟，剛好，但有少少血水。個汁唔錯，但點返頭先既海鹽，仲正！下面配菜係薯蓉，好滑
薄荷雜莓蘇打特飲
=提子汁，都可以揀檸茶咖啡奶茶！總之飲檸茶，杯飲品麻麻地！因為失望係得一片薄荷葉，無味！
甜品包兩支手工雪條，加$20轉了一款心太軟
侍應叫我出去睇下想食邊款手工雪條，每日唔同！選擇困難症
最後揀石榴橙味，點知揀錯，比較酸..總之要荔枝玫瑰味啦
心太軟一上枱好吸引！雪糕普通，朱古力唔錯，流心
埋單俾多$5x，加一兼加錢轉甜品！
老老實實！今次完全無伏✌🏼幾好味！
地址：元朗yoho mall 一期2樓2042
（Homeless入面）
辣到爆
但又過癮，我問你死未
霸王川莊@元朗
Yoho mall新開食店，新屎坑當然要食
星期六晚十分老定，打算8:00落去食，apps拎飛，排第二，諗住去到剛好！
點知5-6人等左差不多45分鐘，好多人4位，入得好快，其實係咪應該會照顧下5人呢，無可能長期唔叫號
最後坐4人位，5個人都可以的
有辣有唔辣！黎依度一定叫水煮魚！
❤️水煮魚$238 （盲曹）+$60轉桂花魚
包4種料，我揀了娃娃菜、雞脾菇、窩旬條、木薯粉條！仲有午餐肉，其他菇呀可以揀，都幾火鍋feel，我地驚唔夠，加了$65牛肩肉！
一上場個碗好大好大，大過我個頭！我已經叫減辣，但睇怕應該做唔到
魚，超正，新鮮、好滑、大舊、無骨！
牛肉，唔鞋，又多，都有成10幾塊，雖然唔係火鍋上，係一早煮好，但竟然牛肉一d都無鞋口又有牛味，仲有些蒜蓉響面，惹味十足！
其他配料，娃娃菜最辣，索到呢....
木薯粉唔使講，係重點！好多粉又夠索，真係最好味係薯粉
串燒，價錢中等，有好有唔好！
鰻魚串$22，🏻唔腥但唔夠肥美
帆立貝串$28，🏻有味道，燒得剛好
雞腎串$18，🏻乾柴，無味
肥牛法邊豆$25
串燒有調味粉，4款有辣有唔辣！正
霸王炒飯$95，略貴、但又幾好味，有鑊氣，能與出面中餐館比！
醋麻辣爽木耳$22，正常！唔會過酸
糖醋小排骨$62，凍食，我不慣，好似無咩特別
白飯$13 ，無意見
香芧鮮果冰沙$16（半價因有coupon)
抵，解渴，解辣，芒果沙冰似的
北極光$16（半價）好抵飲，係青瓜，奇異果，薑味，但溝埋似蜜瓜味！
茶位$10，因為杯茶好特別，可能貴d!
紅早杞子仲有咩呢，似麥茶，都唔錯，但好熱，好養生既感覺
唔食辣可食酸菜魚！應該都唔差
食甘辣真係可以驅寒，但會爆
食店仲有其他辣食品，下次試
地址：元朗形點一期二樓2014鋪
