與好友食好西，想食的一間西餐無開，唯有食一間經過n次都無動力入去既西餐，點解？我都唔知，門面唔差，不過硬係唔想食！
Story Steak & Pasta❣️元朗雞地，入面好冷清，我地係第三枱客，兩個人就食二人餐！$308加一
野食好快上，先黎沙律，個包好好味，牛油好重手，烘完新鮮熱辣，不過超細片，另外香草薄餅就唔脆又無咩味，應該係甘，點湯！巴馬火腿同菜都無咩特別，Parma Ham好薄身，唔出味！
湯係磨菇湯，唔錯wor，賣相吸引，略嫌唔夠熱！
再黎意粉，忌廉煙三文魚意粉，但係無汁...好乾身，好淡口，咸蟲既我覺得無味...少少失望..我煮仲好味！
主菜喇，揀左西冷扒配薯條！7成熟，黎到都幾生，好多血水，塊扒少少硬口，味道無咩牛味，黑椒汁幾辣，薯條好脆口，但過左龍，太脆，變成乾，我比較鍾意外脆內淋
最後熱檸水完結！好唔好味就一般喇，但無人趕走，全店一個侍應做埋收銀，不停加水成日唔見人，仲諗緊佢會唔會做埋廚房！最特別係好多人坐低一陣就走左，起碼兩枱客....唔啱食？但點解出面有餐牌，唔係睇完先入黎架咩？
成晚就係冷清清！我地坐到夠哂皮，口水都乾就走喇
地址：元朗鳳攸南街9號好順利大廈地下3號鋪
每一天都是新一天！
掃街@元朗又新街
串皇，講真以前食開前面檔，但執左，唯有第二選擇串皇！惹味，小辣已經好辣..正..墨魚丸，豬頸肉，雞全亦，雞腎，盛惠$56
摩芽雞蛋仔，新開張，飲品買一送一，可揀不同味..🏻顏色吸引，味道正常普通，味道加益力多或茶底，細杯$18，大杯$22，當然買大杯！下次試雞蛋仔，就知佢龍與鳳
為左方便，順道買碗麻辣豬肚薯粉$33，陸記正宗桂林米線，送飲品或甜品水晶涼粉！sorry no next time...麻辣無味，薯粉無咬口，唯一好就豬肚正常，偏多份量！水晶涼粉難食，無影相掉左
洗牙！牙齒唔健康點食好野
8分鐘洗完棚牙之後食好西，心情靚哂
《美華上海菜館》地點係偏僻左d...但無礙我搵好西既決心！去到要等20分鐘，地方唔大，舊式老鋪已經翻新左
坐低一張雲山大圓枱，5大1細，唔使迫！
食物價錢自己諗，舊式上海鋪，一d都唔貴...又係瘋狂叫餸時間！
叫個3餸一湯$188
回鍋肉、麻婆豆腐、獅子頭、酸辣湯
一個字形容..濃！酸辣湯唔好飲，太酸！
食唔到濃味既...🏻不要來，不過我地依d咸蟲係無問題既，2碗白飯呀！唔該
再叫例牌野！小籠包，正多汁！鍋貼，好juicy，煎得剛好，唔會太燶！
上海粗炒，略嫌唔夠汁，乾身左d!
銀芽鱔糊，嘩，你睇相，中間窩落去既係咩？？油全部都係油！即時要隔油，但真係多料，鱔好肥
最後有個冷盤，麻辣海哲粉皮，自己倒醬，唔算太麻！幾正wor.....海哲同粉皮都好滑口
一個白飯+5杯豆漿+陽春面一碗埋單：545蚊
你試下去金滿庭，過千埋單啦！
地址：土瓜灣美善同里13號
這陣子超忙，因為準備又衝出香港，食好西
Next Station is Taipei!
我要對付所有好味的食物喇！
