一星期去了兩次這間新進拉麵店，位於銅鑼灣及尖沙咀。第一次是去銅鑼灣逛街，想吃拉麵，於是到登龍街覓食！登龍街簡直似一條美食街，拉麵有三田製麵所、豚王、博多一幸舍、霸嗎！因為它，所以吸引了入內用膳！就是🏻燒豚肉!!
坐下與普通拉麵店一樣，日式裝潢，有點菜紙，中英對照。主要有三款拉麵湯底，濃厚豚骨湯、雞白湯及豚骨辛辣湯底。
辛辣灸燒豚肉味玉拉麵（中辛）$93
辛辣湯底好惹味，對我來說中辣剛好，但不是辣椒油湯底，正!!拉麵選了適中硬度，普通，味玉只有少少流心..最主要是燒豚肉，好特別，一大塊，成舊豚肉，燒後油脂溶化，咬落不硬，香口，有少少肥膏，好有罪惡感，肥幾磅！有個是特盛灸燒豚肉拉麵$118，有4塊燒豚肉，我估我承受不了！我這款辛辣拉麵會送一粒雪米糍。
小食～羽根燒餃子 $35
燒得好金黃，沾醬好味！
辣汁唐揚炸雞 $38
味道好辣，上枱熱辣辣，又炸得好香口，熱氣爆燈！一邊飲水一邊讚好味，哈哈！
第二次去尖沙咀，新開，地點方便，the one對面！但多人排隊等位，幸好又是早入座有位。我仍是選擇這款拉麵，因為辛辣味道太吸引了
總概來說，想食拉麵又唔怕肥，可以一試!免收加一！
有木桶仔雪糕，抺茶/芝麻味 $28，幾特別！食完拉麵可即食甜品！
銅鑼灣店
銅鑼灣登龍街28號永光中心地下
電話：2180 9172
尖沙咀店
尖沙咀金巴利道26號地鋪
電話：2217 8300
沒有留言:
張貼留言