鐵牛台灣牛肉麵

我要食鹵肉飯呀呀呀

之前響台灣食左一個暗然銷魂鹵肉飯，簡直好味到喊...香港係無的

今次這個《鐵牛台灣牛肉麵》，鹵肉飯一樣不出色，但另有驚喜，麻辣擔擔麵

到尖東，搵到間食下午茶，2點半起，午餐就貴少少！下午茶餐

一個主食+3款小食+一杯飲品！$32起

❤️鹵肉飯真係好普通，飯汁多但唔夠香，肉碎會唔會少左d..

麻辣擔擔麵，好好味，未食望到都好吸引，好重麻醬，好杰身，食第二啖已經差點哽到！但好好味，少少辣！

麻辣豬耳，太碎無咩咬口，但麻辣味重！都幾辣

麻辣牛肚絲，好正，好索汁，辣到我又狂飲野

鹵水蛋唔入味，太細隻的半隻

鹽酥雞，not good...無味！

珍珠奶茶，幾香滑，珍珠少少硬

一試無妨！安排入座後，自助形式，點紙，去收銀枱付款，侍應會派餐！

抵讚是坐得好舒服，唔迫，空間感大！少少暗，食完坐響度傾計都唔錯！又唔貴！

地址：尖沙咀加連威老道96號希爾頓大廈LG樓28號鋪

（原來響尖東個邊，行左去the one，行餐死）

我愛食好西
http://www.facebook.com/iloveeatingwest