一楝大廈有甘多間火鍋，飲食店鋪，樓下排隊上樓是常識吧！雖然有成百人排隊，分兩邊，又幾架lift!排左5分鐘度就上到去18樓！
一開門比較靜，無人等位，可能個個都book枱，而且時間尚早，7:00！
周圍感覺好有打野戰feel，之前知道依度有得影相同玩槍，不過現在變身任食，好似格局唔同左，無得揸槍影相
任食韓燒，入座起計兩小時！平日$178 加一服務費
地方好大，但坐左兩成人，已經煙霧瀰漫！燒烤味甚重，雖然預計在內，但通風甘差，我會唔會暈??
一開始當然拎飲品！有啤酒，汽水，還有韓式飲品，龍井、烏龍茶!!任飲
食物種類都ok，要既都有豬牛雞羊，又有海鮮，有某部分要加錢，聽講濟洲黑毛豬+$38都幾抵又好食！但黎任食就係想最抵既價錢食最多既野
我未開始食時，開始多人入座，但煙霧竟然減少左，空氣清新左
枱上有兩包紫菜，可以帶走。泡菜唔好食，過酸
有碟魚蛋拼類似墨魚丸，普通。
每人有兩種醬汁，基本韓國辣醬及麻油!另外可以出去拎醬，嘩好似打邊爐甘，有沙茶醬，又有辣椒油，炸蒜，仲有豉油!!唔少得蒜蓉同粗鹽，粗鹽真係好大粒!!
食物上場，好急趕，一口氣黎哂！無漏單！於是我地開turbo....
必食：烤鰻魚 、烤大八爪魚串、烤牛脷、韓式炒粉絲、烤牛肋骨肉
不好食：烤蝦、燒雞亦、烤豬皮
勿食：烤豬腸(不是辣個隻)、煎海鮮蔥餅、烤小八爪魚食到尾，截單，無得叫野食，已經好飽，仲未食炸雞!!點食得落......
但仲可以拎飲品，無人趕走！仲有好多美少女，兩個黑衫OPPA ，哈哈!!
總結：依度食物質素唔錯，高級過任食漢陽苑，低過正宗韓國燒烤，佢係BBQ7080集團，質素唔會差得離譜!!當然有好食有唔好食，一班人食可以試唔同款，幾好!!每次份量根據人數，每次剛好每人一舊，好食再叫!!
任食每人$200有找幾蚊，都幾好！真係可以狂點餐，唔使就住就住，我喜歡！
BBQ Military 地址:荃灣眾安街55號大鴻輝(荃灣)中心18樓
電話:2408 1068
沒有留言:
張貼留言