朋友帶路，來到荃灣。一個街市入面的冰室，超多人排隊，都等了20分鐘。
一入座，懷舊冰室，4人座位，3男1女，迫到震！但從來食好西不一定有靚環境，
我懂的？！
我懂的？！
火腿小奄列 $30
我傻傻的問，小份會不會不夠食呀？？！但來到好巨型，還爆料，好多火腿條呀!!!至愛火腿奄列，識食一定再夾牛油包，蛋好香，不用落鹽都可以，兩人食剛好，於是再encore！！
咖哩牛腩撈面 $33（伊面底加$5）
朋友有一個要伊面底，份量少，但另外兩個要幼面，每人食剩小半碟，好流！咖哩正常味道，我不覺得特別，牛腩一般！少少鞋口！
牛腩面 $28
本人麻麻地牛腩，但朋友們說道這裡出名，所以才叫，但真的麻麻地！幼面及湯底反而幾好！加辣椒油不錯！
炸雲吞 $34
皮脆，有粒大鮮蝦，沾酸甜醬，很美味！
豉油雞亦 $34
一上枱，覺得幾貴，但食落都值得，好滑，肉質入味，但不需要沾醬呢！
阿華田奶昔 $27
枱枱都飲，於是照叫，跟住真的無死人!!好好味，面頭有少少沙冰，味道夠濃，一大杯都好解渴！又不會過甜，證明落粉足夠，不只是博命落糖水！
好立克奶昔 $27
朋友說道都好味！
食完真的很滿足，但如果想食又不太餓的話，只食奄列及小食，飲奶昔就好了，面食可以不食！
嘉樂冰廳
地址：荃灣新村街40B號地下
港鐵荃灣西A1/D出口
沒有留言:
張貼留言